Bizning yangiliklar

Bugun, 14-yanvar kuni, biz yurtimizning eng muhim va sharafli bayramlaridan biri — Vatan himoyachilari kuni, shuningdek, mustaqil Oʻzbekistonimizning Qurolli Kuchlari tashkil etilganligining 34 yilligini nishonlaymiz.

Ushbu kun mardlik, shon-sharaf va Vatanga bo‘lgan cheksiz muhabbat ramzidir. Vatan himoyachilari — davlatning tayanchi, xalqimiz tinchligi, barqarorligi va osoyishta hayotining kafolatidir. Sizlarning fidokorona mehnatingiz, qat'iy intizomingiz va yuksak mahoratingiz ortidan diyorimizning mustaqilligi, suvereniteti hamda hududiy daxlsizligi ishonchli tarzda himoya qilinmoqda.

Biz barcha harbiy xizmatchilar, faxriylar hamda bugun o‘zining muqaddas burchini Vatan oldida sharaf bilan ado etayotgan yurtimizning xar bir mard o'g'lonlariga chuqur minnatdorchiligimizni bildiramiz.

Chin dildan sizlarga mustahkam sog‘liq, tinchlik, farovonlik, cheksiz iroda va kuch-quvvat, so'nmas g‘ayrat, o‘zingizga bo‘lgan yuksak ishonch hamda Vatanimiz ravnaqi yo‘lida olib borayotgan beqiyos xizmatingizda yangi marralar va muvaffaqiyatlar tilaymiz! Xonadonlaringizda doimo baxtu-saodat, tinchlik-totuvlik, osoyishtalik barqaror bo'lsin, yurtimiz osmoni esa hamisha musaffo va tinch bo‘lsin!

Bayramingiz bilan! 🇺🇿🎉🫡

2025 yil 20 dekabr kuni Toshkent🇺🇿 aeroportida spotterlar va jurnalistlar MDH hamda Markaziy Osiyo mamlakatlarida orasida ilk bor Airbus A321XLR havo kemasini kutib olishdi.

Post-sovet hududida ushbu turdagi havo kemasining birinchi operatori O‘zbekistonning birinchi xususiy aviakompaniyasi — Qanot Sharq bo‘ldi. UK32112 bort raqamiga ega havo kemasi Air Lease🇺🇸 korporatsiyasidan (ALC) lizing asosida olinib, Gamburg shahri Airbus zavodidan to‘g‘ridan-to‘g‘ri yetkazib keltirildi.

Ob-havo sharoitlari — jala qor va manfiy harorat sababli an’anaviy suv arkasini tashkil etishning imkoni bo‘lmadi. Shunga qaramay, bort tantanali ravishda kutib olindi. Aviakompaniya bosh direktori Moisey Vasilyevich Pak, Airbus konserni vakillari hamda O‘zbekiston Fuqaro aviatsiyasi agentligi rahbariyatining nutqlari bo‘lib o‘tdi. Germaniya va Fransiyaning O‘zbekistondagi elchixonalari diplomatik korpusi ishtirokidagi tantanali tadbir furshet va esdalik sovg‘alarini topshirish bilan yakunlandi.

Qanot Sharq va Air Lease Corporation 2025 yil 18 fevralda shartnoma imzoladi. Unga ko‘ra, Qanot Sharq 2027 yil oxirigacha Air Lease’ning Airbus’dagi buyurtmalar portfelidan operatsion lizing asosida 3 ta A321XLR va 2 ta A321neo havo kemasini qabul qilib oladi.

Mazkur bort asosan London yo‘nalishidagi muntazam reyslarda hamda Osiyodagi mashhur kurort yo‘nalishlarida parvozlar uchun foydalaniladi. Ushbu havo kemasi 16C@115cm + 174Y@80cm konfiguratsiyasiga ega bo‘lib, eni 45cm bo‘lgan matodan sozlangan o‘rindiqlar, charm bosh suyanchalari, individual rozetkalar bilan jihozlangan. Undan tasqari, yo‘lovchilarning shaxsiy elektron qurilmalari orqali ulanadigan ko‘ngilochar tizim o‘rnatilgan bo‘lib, uzoq masofali parvozlarni yetarlicha qulay amalga oshirish imkonini beradi.

Raskryt

Asosiy texnik xususiyatlari:

Uzunligi: 44.51 m
Qanotlar yoyilishi: 35.80 m
Balandligi: 11.76 m
Fyuzelyaj diametri: 3.95 m
Yo‘lovchi kabinasi kengligi: 3.70 m
Yo‘lovchi kabinasi uzunligi: 34.44 m
Bagaj joylari soni: 9–10 ta pallet yoki LD3-45W konteynerlari

Tijorat yuklamasi bilan maksimal masofa: 8700 km
Parvoz davomiyligi: 11 soatgacha
Maksimal uchish og‘irligi: 101.5 t
Kruiz tezligi: 0.82 M

XLR ning A321Neo dan asosiy farqi — 12 900 litr sig‘imli doimiy yoqilg‘i baki mavjudligi bo‘lib, u asosiy shassi tayanchlari bo‘limidan keyin (fyuzelyajning 15–17 seksiyalarida) o‘rnatilgan. Shuningdek, kil trimmerlash avtomatikasi qayta ishlangan va uchuvchilar kabinasidagi aeronavitatsiya uskunalarini boshqarish bloki sezilarli darajada takomillashtirilgan.

Tadbirni tashkil etgani va taklif qilgani uchun Qanot Sharq kompaniyasiga minnatdorchilik bildiramaniz hamda barcha yo‘nalishlarda yanada rivojlanishini tilab qolamiz!

Bugun kunduzi zarur kayta tiklash ishlari yakunlangach, TVT/UZTP 08 Uchish-qo‘nish yo‘lagidan IL-76TD EX-76028 (avvalgi UK76427) osmonga ko‘tarildi va qanot qoqib, yangi egasi “New Way Cargo”ga (Bishkek, Qirg‘iziston) tomon yo‘l oldi. Ushbu bort 2016 yildan beri saqlovda turgan va Toshkent-Sharq aerodromi hududida parvozga yaroqli holatda qolgan so‘nggi Il-76 bo‘lib, avval Chkalov nomidagi Toshkent Aviatsiya Ishlab Chiqarish Birlashmasiga tegishli edi.

Shu tariqa, to‘rtta D-30KP dvigatelining qoramtir izi ostida TAPOiCH tarixiga yakuniy nuqta qo‘yildi va Toshkent-Sharq aerodromi to‘liq ravishda biznes va hukumat aviatsiyasi toifasiga o‘tdi.

Bugun Toshkent xalqaro aeroporti rahbariyati tashabbusi bilan kuzatuv maydonchasi qurilishi boshlandi.

2025-yil 6-noyabr kuni Toshkent-Sharqiy aerodromidan Il-76TD havo kemasi (ro‘yxat raqami XT-ABL, Burkina-Faso) yana parvozga ko‘tarildi. U Fujayra (BAA) shahriga yo‘l oldi. Dastlabki ma’lumotlarga ko‘ra, havo kemasining yangi egasi Batot Air aviakompaniyasi bo‘lgan.

🛫 Osmon yana sening uying bo‘lsin, azamat “Ilyusha”! Xavfsiz va barqaror parvozlar tilaymiz!

2025 yil 17 oktyabr kuni Toshkent xalqaro aeroportida to‘qqizinchi rasmiy spotting-tur bo‘lib o‘tdi.

Tadbirda an’anaga ko‘ra O‘zbekiston🇺🇿, Rossiya🇷🇺, Qozog‘iston🇰🇿 va Belarus🇧🇾dan kelgan 50 dan ortiq ishtirokchi qatnashdi. Aeroportning qat’iy an’anasi — ishtirokchilarning minimal yoshini cheklamaslik — saqlab qolindi.

Tur davomida ishtirokchilar bortlar uchish-qo‘nishlarini aeroport perronidan kuzatish va suratga olish imkoniyatiga ega bo‘lishdi. Spotterlar obyektiviga yo‘lovchi va yuk reyslari — Loong Air, Air Asia, Fly Dubai, S7, China Eastern, Air China, My Freighter, Air Astana, Aeroflot, Somon Air, Tez Jet, shuningdek O‘zbekiston Mudofaa vazirligiga tegishli bortlar tushdi.

Ayniqsa Uzbekistan Helicopters ekipajlari quvontirdi — ular o‘sha kuni o‘quv-trenajyor parvozlarini bajarayotgan bo‘lib, o‘zlarining Airbus Helicopters H125 va H130 vertolyotlarini chinakam chiroyida namoyish qilishdi.

Uzbekistan Spotters Team ishtirokchilari Uzbekistan Airportsga tadbirni a’lo darajada tashkil etgani va o‘tkazgani uchun minnatdorlik bildiradi!

2025-yil 15-oktabr kuni soat 17:40 da Toshkent xalqaro aeroportiga AirAsia aviakompaniyasining Kuala-Lumpur – Toshkent yo‘nalishidagi birinchi reysining samolyoti qo‘ndi. Bortda 218 nafar yo‘lovchi bo‘lgan havo kemasi an’anaviy tarzda suv arkasi bilan kutib olindi, ekipaj a’zolariga esa gullar taqdim etildi.

Toshkent–Kuala-Lumpur yo‘nalishidagi birinchi reys yo‘lovchilarining ro‘yxatga olinishi ham bayramona ruhda o‘tkazildi.

Kuala-Lumpur – Toshkent – Kuala-Lumpur yo‘nalishidagi reyslar haftasiga uch marta — dushanba, chorshanba va juma kunlari keng fyuzelyajli Airbus A330 samolyotlarida amalga oshiriladi.

Air Marakanda kompaniyasi tomonidan tashkil etilgan ushbu aviatsiya tadbiri fotografchilarni, blogerlarni hamda aviatsiya sohasiga qiziqqan barcha ixlosmandlarni birlashtirdi. Spotting ishtirokchilari odatda yo‘lovchilar uchun yopiq bo‘lgan hududlarda bo‘lish imkoniyatiga ega bo‘lishdi. Aynan shu joylarda eng hayajonli va dinamik kadrlar yaratiladi — havo kemalarni parvozga tayyorlash jarayoni, reyslar orasidagi texnik xizmat hamda har bir parvoz xavfsizligi va aniqligini ta’minlaydigan mutaxassislarning mehnati.

Aviaspotting — bu nafaqat chiroyli suratlar, balki aviatsiya dunyosini ichkaridan ko‘rish imkoniyatidir. Yosh ishtirokchilar uchun esa bu tadbir osmonni shunchaki orzu emas, balki erishilishi kerak bo‘lgan maqsad sifatida ko‘rsatgan ilk kasbiy qadami bo‘ldi.

Uzbekistan Spotterlar jamoasi aeroport matbuot xizmatiga, an’anaviy iliq kutib olish, va tadbirni a’lo darajada tashkil etganligi uchun, samimiy minnatdorchilik bildiradi!

23 may kuni soat 21:56 da Toshkent xalqaro aeroportiga Seuldan (ICN) uchib kelgan T'way Air aviakompaniyasining TW-431 birinchi muntazam reysi Boeing B777-300 HL8707🇰🇷 qo‘ndi.

An’anaga ko‘ra, bort suv arkasida kutib olindi, ekipajga gullar taqdim etildi va Aeroport terminalida tantanali marosim o‘tkazildi. Birinchi reys bortida 216 nafar yo‘lovchi bo‘lgan, ular orasida mashhur koreys musiqa guruhi 🎸BLACKSWAN ham bor edi.

🔸 T'way Air — 2010 yilda tashkil etilgan, bosh ofisi Seulda joylashgan janubiy koreys budjet aviakompaniyasi.

🗒 Parvoz jadvali: TW-431/TW-432: ICN 18:00 -> TAS 21:30, TAS 23:00 -> ICN 09:25+1 (mahalliy vaqt)

HK turlari: chorshanba, yakshanba – B777; dushanba, juma – A333.

Uzbekistan Spotters Team Toshkent aeroporti matbuot xizmatiga tadbirni tashkil etgani va taklif uchun minnatdorlik bildiradi.

2025 yil 25 aprel kuni Toshkent xalqaro aeroportida navbatdagi rasmiy bahorgi spotting-tur bo‘lib o‘tdi.

Bu bahorda tadbirda O‘zbekiston🇺🇿, Rossiya🇷🇺, Qozog‘iston🇰🇿, Belarus🇧🇾, Turkiya🇹🇷 va Janubiy Koreya🇰🇷dan 50 dan ortiq ishtirokchi qatnashdi. An’anaga ko‘ra, Aeroport ishtirokchilarning minimal yoshini cheklamadi.

Kunning davomida spotterlar nafaqat o‘zbek aviakompaniyalari (Uzbekistan Airways, Silk Avia, FlyKhiva, Centrum/My Freighter, Qanot Sharq, UAT) havo kemalarini, balki xorijiy mehmonlarni ham suratga olish imkoniyatiga ega bo‘ldilar. Spotterlarning xizmatdan chiqarilgan samolyotlarga katta qiziqishini inobatga olgan holda, Aeroport konservatsiya qilingan Il-114, Il-76, Tu-154 va Mi-8 kabi, avval O‘zbekiston Milliy aviataşıyuvchisi va Harbiy Havo Kuchlarida xizmat qilgan havo kemalarini suratga olish imkonini taqdim etdi.

Uzbekistan Spotters Team an’anaviy tarzda Toshkent Aeroporti xodimlariga tadbirning a’lo darajada tashkil etilgani uchun samimiy minnatdorlik bildiradi!